காலத்தோடு ஒத்துபோவதில்லை
வாழ்க்கை..!
மழைவேண்டி தவம் கிடக்கும் மனசு
எந்த மனம் நனைந்து களிக்கிறது
மழை வந்தவுடன்..!
எந்த மனம் நனைந்து களிக்கிறது
மழை வந்தவுடன்..!
பூவாத மரங்களை சபித்துமுடிக்கிறோம்
பூத்துக் காய்த்தவுடன்
கல்லெறிந்து காயப்படுத்துகிறோம்....!
நாட்களின் நேரம்
ஒருவனுக்கு போதவில்லை
ஒருவனுக்கு ஓடவில்லை
இருவருக்கும் பயன்படாமல்
பயணப்படுகிறது கடிகார முட்கள்...!
பசித்த போது கிடைக்காத உணவு
விருந்தாக வரும்
விரும்பாதபோது..!
தனிமைத்தேடி அலைவோம்
எங்கிருந்து விடும்
நம் இதயத்தின் ஓலங்கள்..!
எதிர்ப்படும் அறிந்தமுகங்கள்
இன்பத்தைவிட இன்னல்களையே
அதிகம் ஞாபகப்படுத்துகிறது..!
பனிமூட்டம் போல்
வாழ்க்கையை மூடிக்கொண்டிருக்கிறது
அதற்கான போராட்டங்கள்..!
அதற்கான போராட்டங்கள்..!
பணம்தேடும் வாழ்க்கையில்
முடிந்துப்போகிறது
நம் பயணம்...!
நிகழ்கால வெப்பத்தில்...
நிகழ்கால குளிரில்...
நிகழ்கால கதகதப்பில்
வாழவிரும்புவதில்லை எவரும்...
ஓடி முடித்தப்பின் ஒவ்வொருவருக்கும்
மருந்தாகிறது மரணம்..
உண்மைதான்
வாழ்க்கை ஒருநாளும்
காலத்தோடு ஒத்துபோவதில்லை..!
வாழ்க்கை ஒருநாளும்
காலத்தோடு ஒத்துபோவதில்லை..!
No comments:
Post a Comment